Џин Хекман и неговата сопруга Бетси Аракава беа пронајдени починати на 26 февруари 2025 година, во нивниот дом во Санта Фе, Њу Мексико. Актерот неодамна наполни 95 години, додека неговата сопруга имаше 63.

Во извештајот, полицијата навела дека Џин Хекман бил пронајден на влезот во близина на кујната, додека неговата сопруга лежела во бањата со греалка до главата. Постои можност Аракава да паднала ненадејно, но конкретните причини за смртта сè уште не утврдени. Тестовите на гасоводите во домот не покажале знаци на истекување на јаглерод моноксид или труење, пренесува „Си-ен-ен“.

Првичните резултати од обдукцијата не укажуваат на насилна повреда ниту пак имало знаци на „надворешна траума“. До сопругата на актерот било пронајдено шише со апчиња, земени на рецепт, расфрлани по работната површина. Според додека пак, кучето било пронајдено мртво во бањата.

Барањето за претрес вклучувало и налог за пребарување на потенцијално запаливи материјали, контролирани супстанции, оружје, траги од ДНК и други докази.

„Според извештаите, за да се отркие целосната причина за смртта обично се потребни четири до шест недели за да се завршат сите потребни анализи“, рече Крис Рамирез, портпарол на канцеларијата за медицински вештачења во Ново Мексико.

„Сакаме да се увериме дека истрагата е спроведена правилно и дека објавуваме точни информации“, рече шерифот Мендоза во четвртокот.

Во семејната изјава, ќерките и внуката на Хекман рекоа дека се „скршени од загубата“.

„Со голема тага ја објавуваме веста за смртта на нашиот татко Џин Хекман и неговата сопруга Бетси. Милиони ширум светот ја сакаа и се восхитуваа на неговата брилијантна актерска кариера, но за нас тој секогаш беше само татко и дедо. Неизмерно ќе ни недостига“, се вели во соопштението.

Смртта на трикратниот оскаровец ја изненади јавноста неколку дена пред престижната церемонија на доделувањето на Оскарите. Хекмен ќе биде одликуван за време на церемонијата на Оскарите, изјави извор запознаен со подготовките.