Возач од Струмица не запрел на знак за запирање даден од полицајци и наместо тоа го свртел автомобилот „Мерцедес“ директно во нив, при што удрил во еден од полицајците и го повредил, соопшти МВР.

„СВР Струмица поднесе кривична пријава против З.П. (37) од Струмица, поради постоење основи за сторено кривично дело „напад врз службено лице при вршење работи на безбедноста“. На 27.02.2025 во Струмица, пријавениот кој што управувал патничко возило „мерцедес“ наместо да застане на даден знак на полициски службеници заради легитимирање и контрола, директно се упатил кон нив со возилото, при што удрил еден од полициските службеници, нанесувајќи му повреда“, пишува во полицискиот билтен.