Од плафонот на ГУЦ „Здравко Цветковски“ растат печурки. Ова не е само фигуративно кажано, колку да се објасни дека покривот протекува на секој дожд и дека преку таванот капе во училишните ходници, туку буквално, поради влагата, растат печурки.

Ученици од ГУЦ испратија фотографии во нашата редакција, на кои се гледа како изгледа таванот во ходникот на училиштето и како вработените се „борат“ против протекувањето кога врне – со пластични канти.

Плафонот е покриен со големи пожолтени флеки, а од една растат печурките. Влагата не само што го нагрдува училиштето туку  влијае и на здравјето на учениците и на вработените.

Средните училишта во градов се во надлежност на Град Скопје, но секако условите во училиштето се обврска и на директорот. Можеби на ваков начин ќе се сетат дека на ГУЦ му треба итна поправка или замена на покривот, кречење и обезбедување елементарни  услови на настава на средношколците.