Не е тајна дека сирењето и лимонот се сакаат, а со малку традиционален италијански ликер од лимон, познатата торта е вистинско сезонско освежување – ќе добиете чискејк со лимончело!

Овој рецепт е малку изменет од класичниот рецепт за чискејк – пандишпан направен од готови бисквити и едноставен крем со сирење, така што и оваа торта ќе биде готова многу брзо, за дваесетина минути. Сепак, воздржете се да го вкусите веднаш штом ќе го извадите од рерна и оставете го да се излади и да се стегне.

Состојки:
За бисквитот:

– 240 грама бисквити, искршени
– 50 грама шеќер
– 125 грама путер, омекнат
– рендана кора од еден лимон

За кремот:

– 500 грама крем-сирење
– 135 грама шеќер
– 25 грама екстракт од ванила
– 120 милилитри лимончело
– 2 јајца

Подготовка:

Загрејте ја рерната на 175 степени. Обложете го плехот со хартија за печење.
Во сад измешајте ги мелените бисквити, шеќерот и ренданата кора од лимон. Додајте го омекнатиот путер, мешајте додека смесата не стане еднолична и притиснете ја во калапот за печење. Печете 8 минути или додека бисквитот не порумени. Оставете да се излади на собна температура.
Во висок сад измешајте ги крем-сирењето, шеќерот и ванилата на средна брзина додека не се соединат.
Додајте го лимончелото и продолжете со мешање додека смесата не се изедначи, додајте ги сите јајца и измешајте уште малку.
Сипете го кремот врз изладениот бисквит и печете 20 минути или додека не се згусне филот. Се лади на собна температура околу еден час, а потоа во фрижидер уште најмалку два часа.
По желба посипете со шеќер во прав и декорирајте со свежи или зашеќерени парчиња лимон.