Во американската сојузна држава Алабама е погубен човек кој беше осуден на смрт поради убиство на три полицајци, и покрај тоа што голем број на истакнати личности се ангажираа тоа да не се случи, сомневајќи се во неговата кривица.

Меѓу нив беше и синот на познатиот американски борец за човекови права Мартин Лутер Кинг, наведува „Ројтерс“.

Натаниел Вудс (43), осуден е во 2004 година за убиство на тројца полицајци во кои пукал друг човек, Кери Спенсер, кој исто така е осуден на смрт.

Полицајците се убиени за време на апсењето на Вудс во куќа за од која се верувало дека се растура дрога.

Вудс е осуден како сочуесник, а казната му е изречена бидејќи се верувало оти стои зад нападот на полицајците, кој е оценет како најкрвавиот ден во историјата на полицијата на Бирмингем.

Alabama is about to execute Nathaniel Woods. The death penalty is wrong, but it’s especially unjust for the government to take someone’s life when he wasn’t the shooter, the sentencing was not unanimous, and significant questions remain about culpability. https://t.co/i5chfM6t3H

— Justin Amash (@justinamash) March 5, 2020

Молба за негово помилување вложија многу истакнати личности, меѓу кои и Мартин Лутер Кинг Третиот, но гувернерката на Алабама Кеј Ајви, одби да го помилува.

Познатата ѕвезда во САД Ким Кардашијан исто така упати молба за одложување на неговото погубување.