Јавната обвинителка на Перу, Патриша Бенавидес поднесе уставна жалба против перуанскиот претседател Педро Кастиљо, отворајќи нова правна битка за опозицијата да го смени актуелниот претседател.

Бенавидес вчера ја поднесе претставката и изјави дека постојат сериозни индиции оти криминална организација има упориште во владата.

Кастиљо истакна дека поднесувањето уставна жалба против него е државен удар организиран од канцеларијата на државното обвинителство.

Тој веќе се соочува со неколку кривични истраги за злоупотреба на службена должност и се соочи со два обиди за импичмент за нешто повеќе од една година.

Кастиљо ја негираше вината и рече дека планира да остане на власт до крајот на неговиот мандат во 2026 година.

Уставната жалба може да доведе до суспензија на претседателот на Перу со гласовите во Конгресот контролиран од опозицијата.

Сепак, перуанскиот премиер Анибал Торес рече дека, според него, уставната жалба не е законска. ј