Подгорица, главниот град на Црна Гора  успешно ја помина евалуацијата на апликацијата за третиот круг од кандидатурата за титулата Европска престолнина на младите 2028, а жирито на Европскиот град на млади даде позитивни насоки за продолжување на процесот, пренесува Радио телевиција Црна Гора.

„Апликацијата на главниот град беше оценета како ветувачка, амбициозна и со јасна посветеност на јакнење на младите, што го потврдува квалитетот и релевантноста на предложените програми и активности. Особено беа истакнати сегментите на комуникација, дизајн на програмата и вклучување на младите во процесот на подготовка, што покажува дека главниот град развива инклузивен и партиципативен пристап кон младинската политика“, соопштија општнските власти.

Беше забележано дека зад кандидатурата постои силна мотивација, при што секоја активност е поддржана од консултации и предлози од млади луѓе, што уште еднаш го потврдува партиципативниот пристап за младите луѓе.

„Овој резултат претставува заеднички напор, работа и посветеност на сите релевантни засегнати страни од локално и национално ниво, со силна поддршка од невладиниот сектор, студентските организации и меѓународните партнери“, се додава во соопштението.

Како што рекоа од општина Подгорица, заедничката визија и соработка покажаа дека Главниот град има сила и потенцијал да стане Европска престолнина на младите за 2028 година.

„Следните два месеци ќе бидат клучни за финализирање на апликацијата во согласност со добиените упатства и подготовка за финалето на самото натпреварување, кога нашиот тим ќе ја брани својата кандидатура пред жирито на EYC и ќе се надева на оваа престижна титула“, заклучија тие во соопштението.