Златните и девизните резерви на Украина сѐ уште се на 29 милијарди долари, односно на исто ниво како пред рускиот напад, благодарение на надворешната финансиска поддршка, изјави денеска економскиот советник на претседателот на Украина Олех Устенко.

„Пред војната резервите беа 29 милијарди долари, потоа паднаа на 25,7 милијарди долари. Потоа добивме финансиска инјекција и сега се повторно на 29 милијарди“, рече тој гостувајќи на државната телевизија.

Устенко рече дека е убеден оти украинската валута, гривната, ќе остане стабилна, пренесе Ројтерс.