Денеска е пријавено дека преку електронските адреси е упатена закана за поставена експлозивна направа до неколку институции во Скопје и деловни и станбени згради, потврди МВР.

Заканите за поставени експлозивни направи се испратени до Музеј на град Скопје, Природонаучен музеј, Археолошки музеј, Музеј на ММБ Спомен куќа на Мајка Тереза, ГТЦ, Ист гејт мол, ТЦ Бисер, Флатирон, Џевахир, Управен суд, Куќа на Претседателот-Вила Водно, х. Мериот, х. Александар Палас, СЦ Борис Трајковски, Железничка станица Скопје и ФФМ.

Веднаш по добиените пријави, од полициски службеници се преземени мерки и во тек се антитерористички проверки и се преземаат мерки за расчистување на случаите, соопшти МВР.

,,Нема да застенеме додека корумпираната власт на СДСМ не се тргне. Властите веќе знаат што треба да прават, но тоа не го прават. Писмото беше пратено одамна. Затоа денеска жртви мора да паднат”,  стои во пораката која утрово пристигна на мејлот на „Слободен печат“ испратена од извесен Гарахам Клаин.

Покрај заканите со динамит и цевчест експлозив, во мејлот се зборува и за масакр.

А доколку денешниот МАСАКАР не биде доволен, ќе минираме МНОГУ повеќе локации во следните денови. Нема да престанеме додека власта е на потег. Направете ја Вистинската Одлука, стои во мејл пораката.

Утрово нема дојави за поставени бомби во училиштата, информираше полицијата.

Дојава за бомба во ГТЦ, претседателската вила, кулите Џевахир и други објекти