Почина легендарната музичарка Вера Свобода на 88 години. Веста за нејзината смрт ја потврди ќерката Весна Њикош Печкај за хрватскиот медиум „Вечерњи лист“.

Вера беше хрватска пејачка на забавни, народни и староградски песни. Родена е во Осиек. Студирала и дипломирала англиски јазик на Педагошката академија во Осиек. Почнала да пее во родниот град на Радио Осиек и во театарски претстави на само шеснаесет години.

Со текот на времето, таа започна да настапува на бројни музички фестивали. Таа беше една од најголемите музички ѕвезди во седумдесетите во поранешна Југославија.

Под издавачката куќа „Кроација рекордс“ (поранешен „Југотон“) сними петнаесет плочи „лонг плеј“, пет ЦД-а, дваесет касети, а за потребите на ХРТ над 300 народни, староградски, забавни и патриотски песни.

Таа често настапувала за хрватските иселеници. Вера се омажи за познатиот музиколог и новинар Хулио Њикош, кој ги продуцираше и аранжираше повеќето нејзини песни.