Починал штркот Малена кој пред 28 години, пензионерот и вдовец Стјепан Вокиќ од Славонски Брод го нашол со скршено крило, пренесува „Index“.

„Таа не јадеше 11 дена, се обидов да ја хранам, беше тука кај мене дома, Клепетан остана тука, но не сака да оди во гнездото. Тој сè уште мисли дека таа е тука некаде. Многу ми е тешко. Крилото ѝ беше скршено долго време и ете. Дојде и ветеринарот последните неколку дена, но тој веднаш рече дека нема помош за неа“, потврдил Стјепан Вокиќ.

„Клепо и јас остануваме, ако дојде следната година, јас ќе бидам тука за него“, додал тажниот Вокиќ.

Хрватска и светот ја следат љубовната приказна на Малена и Клепетан веќе 19 години.

Пред 28 години, пензионерот и вдовец Стјепан Вокиќ од Славонски Брод го нашол шркот Малена со скршено крило, и ѝ го спасил животот. Оттогаш двајцата ги поминувале деновите заедно, исчекувајќи ја новата пролет.

Во 2002 година, Малена ја пронашла љубовта на својот живот, Клепетан, кој ѝ се враќал секоја година и заедно имале 66 деца. Секоја есен Клепетан одел во Африка, додека Малена останувала во селото со Стјепан.

За нивната љубовна приказна снимен е и документарен филм „Старецот и штркот“: