Џими Картер, поранешниот претседател на САД и нобеловец за мир, почина денеска, три месеци откако наполни сто години.

Поранашниот фармер на плантажи за кикирики од Џорџија како претседател од 1977 до 1981 година наследи економска и заложничка криза, но успеа да ја стабилизира Америка, а и да заслужи Нобелова награда за мир, како мировен посредник меѓу Израел и Египет на преговорите во Кемп Дејвид.

– Мојот татко беше херој за сите што веруваа во мир, човекови права и несебична љубов – објави Чип Картер, син на поранешниот претседател.

Демократот Картер беше 39-от претседател на САД. На изборите во 1976 година тој го победи републиканецот Џералд Форд, а во 1980 година загуби од популарниот републикански гувернер на Калифорнија, актерот Роналд Реган.

Картер е американски претседател што живеел најдолго откако му заврши мандатот и стекна репутација како „подобар поранешен отколку активен претседател“. Неговата сопруга, поранешната прва даа Розелин Картер, почина лани, на возраст од 96 години.