Почина 17-годишното момче од Волково што на 16 јануари качено на цистерна-вагон доживеало струен удар.

– За жал и покрај максималните напори на медицинските тимови, животот го загуби 17-годишниот пациент со изгореници и тешки телесни повреди – соопшти КАРИЛ.

Пациентот бил третиран мултидисциплинарно од специјалисти од пластична и торакална хирургија во единицата за интензивно лекување, земајќи ги предвид резултатите од сите испитувања, параметрите и неговата исклучително тешка здравствена состојба.

На пруга во општина Кисела Вода, момчето било качено на цистерна-вагон кога доживеало струен удар.

Министерството за внатрешни работи појасни дека цистерната се запалила, а момчето со возило на Итна помош, било пренесено во Ургентниот центар. За жал, момчето по три дена од несреќата, им подлегна на повредите.

Тежок инцидент во Кисела Вода: Струја удри 17-годишно момче, се качувало на вагон