На 85 годишна возраст почина Милка Месиќ, сопруга на поранешниот претседател на Хрватска Стјепан Месиќ, објави Јутањи лист.

Милка Месиќ е родена во 1939 година во местото Слабиња. Својот сопруг Стјепан Месиќ го запознала откако ја видел во жири во натпревар за танцување во Загреб и замолил свој пријател кој ја познавал, да ги запознае.

Нивната венчавка се случи во 1961 година, откако Стјепан завршил факултет, а потоа им се родила првата ќерка Саша. Милка студирала психологија во Свеучилиштето во Загреб, а студиите ги напуштила по раѓањето на првата ќерка. Парот се преселил во Загреб а во 1963 година ја добива втората ќерка Дуња.

После Хрватската пролет во која учествувал и Стјепан, парот се иселил во Загреб каде живееле кај мајкатана Милка, Милева.

Милка работела во градинка, но за малку не добила отказ откако се дознало дека нејзиниот сопруг Стјепан бил во затвор поради политички причини. Сепак, го зачувала работното место бидејќи некои колеги се зазеле за неа.

Откако нејзиниот сопруг е избран за претседател на Хрватска во 2000 година, ретко се појавуваше јавно и ретко го придружуваше на службени патувања и во државни посети во странство.