
Почина мајката на Борис Џонсон
Голема тага го снајде семејството на британскиот премиер Борис Џонсон, откако беше информиран дека неговата мајка Шарлот Џонсон Вол, професионална сликарка и жена која беше претставена од шефот на владата во Лондон како неприкосновен авторитет во целото семејство, почина на 79 годишна возраст.
Препорачано
Џонсон ја прими тажната вест откако во јули дозна дека ќе има уште едно дете со својата нова сопруга, што го исполни целото семејство со радост. Шарлот, исто така, почина кратко откако британскиот премиер најави обраќање до нацијата денеска, за време на кое треба да открие некои од најважните владини планови за следниот период, вклучувајќи план за продолжување на борбата против коронавирусот, како и какви епидемиолошки мерки ќе останат на сила.
– Џонсон Вол почина ненадејно и мирно во лондонска болница во понеделникот – објави британскиот весник Телеграф, нагласувајќи дека Даунинг стрит не одговорила на барањето за коментар, како и претставниците на семејството.
To lose a parent, no matter what age we are, is heartbreaking. Thoughts & prayers are with Boris & his siblings at this sad time
RIP Charlotte Johnson Wahl pic.twitter.com/Ch8QQVNcMP— CallyJ (@Short2Cjs) September 13, 2021
Патем, за време на годишната конференција на Конзервативната партија во 2019 година, Џонсон коментираше колку влијание има мајка му за него, и дека таа дури влијаела и врз одлуката за Брегзит.
– Ќе го цитирам врховниот авторитет во моето семејство – мајка ми, и патем за оние што се љубопитни за поделбите во моето семејство кога станува збор за ЕУ, сакам да знаете дека јас чував кец во ракавот – мајка ми гласаше да си замине – изјави тогаш Џонсон.
Според Телеграф, мајката на британскиот премиер била дијагностицирана со Паркинсонова болест кога имала само 40 години.
– Се обидувам да сликам секој ден колку што можам, но можеби ќе одам често во болница. Исто така, сликам иако раката одеднаш прави целосно ненамерно движење и тоа речиси ме расплака – рече таа во интервју за весник во 2008 година.
Извор: Телеграф