Рускиот космонаут кој го држи рекордот за најдолго патување во вселената, почина на 80-годишна возраст, пренесува Би-Би-Си. Валери Полјаков поминал 437 полни денови орбитирајќи околу Земјата помеѓу 1994 и 1995 година на вселенската станица Мир.

Тој работел на експерименти за да види дали луѓето би можеле да го одржат своето ментално здравје доколку одат на долго патување до Марс. Тестовите откриле дека немало оштетување на неговата когнитивна функција како резултат на неговата 14-месечна експедиција.

Смртта на Полјаков ја објави руската вселенска агенција, која ги користеше неговите почесни титули, како херој на Советскиот Сојуз и пилот-космонаут на СССР.

Причината за смртта на Пољаков не беше откриена.

Агенцијата Роскосмос во објава на Телеграм додаде дека истражувањето на Полјаков помогнало да се докаже дека човечкото тело може да се справи со летови далеку од орбитата на Земјата, во длабоката вселена.

Полјаков е роден во 1942 година во Тула, град јужно од главниот град Москва, квалификуван прво како лекар, а потоа и како космонаут.

Тој бил лансиран на својата прва мисија во август 1988 година, поминувајќи осум месеци во орбитата.

Токму неговиот лет шест години подоцна му го донесе на Полјаков рекордот за најдолго патување во вселената, кој сè уште постои до ден денес.

Полјаков живеел и работел на вселенската станица Мир од 8 јануари 1994 година до 22 март 1995 година, наводно кружејќи околу Земјата повеќе од 7.000 пати.