Голема трагедија ја погоди македонската кошарка и воопшто македонскиот спорт. Почина големиот Лазар Лечиќ кој беше еден од најистакнатите македонски кошаркарски работници.

Лечиќ почина на 85-годишна возраст, а ќе остане запаметен како симбол на кошарката во Македонија. Токму тој е еден од најзаслужните за поставувањето на темелите на македонската кошарка.

Кариерата ја започна во редовите на Работнички, подоцна стана и тренер на оваа екипа. Работнички го водеше двапати, прво од 1962 до 1972 година, а потоа и од 1975 до 1968 година. Исто така беше дел и од МЗТ Скопје.

Во кариерата надвор од границите на Македонија ги предводеше: Борац Чачак, Олимпија Љубљана, Војводина и Арис. Лечиќ беше дел и од стручниот штаб на репрезентацијата на Југославија која освои светска титула во 1970 година.

Погребот ќе се одржи утре на гробиштата во Бутел. Телото на Лечиќ ќе биде изложено во капелата еден час од 10:30 до 11:30 часот.