Легендарниот фудбалер на Црвена звезда и поранешен селектор на репрезентацијата на СФР Југославија, Иван Топлак почина на 90-годишна возраст во Марибор.

Топлак кој е роден на 21. септември 1931 година во Белград, најголемиот успех го оствари како селекторот на олимписката репрезентација на Југославија со која го освои четвртото место на ОИ во Москва 1980 година, а четири години подоцна на Игрите во Лос Анџелес ги предводеше „сините“ до бронзениот медал.

За време на успешната играчка кариера настапуваше за Браник од Марибор, Олимпија Љубљана и Црвена звезда. Статусот на легенда на Црвена звезда го стекна за време на седумте сезони поминати на „Маракана“ каде постигна 144 гола на 210 натпревари.
Тој имаше и еден настап на сениорската репрезентација на СФР Југославија и тоа на 28 ноември 1956 година против Англија.