Легендарниот босански фолк пејач Халид Бешлиќ почина во Клиничкиот центар на Универзитетот во Сараево, пренесе „Рапорт.ба“. Според информациите од „Рапорт“, легендарниот пејач починал денеска на 72-годишна возраст по кратка борба со тешка болест, околу 13 часот.

Кон крајот на август, Халид Бешлиќ беше хоспитализиран во Клиничкиот центар на Универзитетот во Сараево, каде што беше под постојан надзор на лекарите.

Музичарот беше хоспитализиран долго време поради тешката болест – рак. Лекарите направиле сè што е во нивна моќ, но болеста, за жал, била посилна.

Подоцна беше откриено дека Бешлиќ бил префрлен на Одделот за онкологија поради проблеми со црниот дроб.

Тимот на Бешлиќ ги откажа сите негови закажани настапи пред еден месец.

Халид Бешлиќ е роден е на 20 ноември 1953 година во Кнежина кај Соколац и остави неизбришлив белег на музичката сцена на поранешна Југославија и пошироко.

Неговата кариера, која траеше повеќе од четири децении, вклучува бројни хитови кои станаа евергрин и неопходен дел од секоја забавна, радио и кафеанска музика.

Неколку недели пред неговата смрт, беше објавена неговата песна посветена на неговата сопруга Сејди, која често ја споменуваше како поддршка во кариерата.