Американскиот актер Том Бауер почина на 86-годишна возраст, објави „Дејли мејл“.

Бауер починал во својот дом минатата недела, а причината за смртта сè уште не е позната. Зад себе ги остави своите две деца, како и неговите брат и сестра. Тој беше во брак со сопругата Урсула нешто повеќе од 50 години.

Тој се појави во различни телевизиски и филмски улоги, вклучително и вториот дел на филмот „Умри машки“ („Die Hard“), во кој го играше ликот Марвин, и „Лош поручник“ („Bad Lieutenant: Port of Call New Orleans“). Исто така, тој се појави во филмот на Крис Чан Ли од 2006 година, „Поништување“ („Undoing“). Неговата последна улога беше во серијата „Среќниот Хенк“ („Lucky Hank“) од 2023 година, која беше откажана по една сезона.