Украинската пејачка Џамала, победничката на Евровизија во 2016, изјави дека Украина не може да си дозволи да го бојкотира овогодинашниот натпревар бидејќи, како што наведе, на нејзината земја ѝ треба можност да ја потсети Европа на инвазијата на Русија.

Џамала истакна дека Украина не може да го бојкотира овогодинешниот избор за песна на Евровизија, на кој повикаа некои уметници поради учеството на Израел, кој спроведува офанзива во Појасот Газа, пренесува „Гардијан“.

Џамала рече дека треба да се искористат можностите за да се привлече вниманието на јавноста кон војната во Украина, за која, како што наведе, интересот е намален. Првиот круг на Евровизија започнува во вторник во Малме, Шведска, откако минатата година пејачката Лорин победи во Ливерпул.

Украина оваа година ја претставува дуото пејачи – Алјона Алјона и Џери Хајл. Овогодинешното натпреварување официјално беше отворено во неделата во Малме, каде претставници на 37 земји прошетаа по „тиркизниот тепих“ во услови на засилени безбедносни мерки и повици за бојкот поради учеството на Израел.

Се очекува фокусот да биде ставен на израелската претставничка Еден Голан, која во четврток во второто полуфинале ќе ја изведе песната „Ураган“, а обложувалниците предвидуваат дека ќе се пласира во топ 10 песни.

Медиумите во саботата објавија дека Голан бил предупреден да не ја напушта хотелската соба, освен кога оди на настапи и официјални настани на Евровизија, поради пропалестинските протести во Малме.

Хрватска е најголем фаворит за победа на Евровизија: Бејби Лазања се искачи на првото место на обложувалниците