Ракометарите на Вардар 1961 со убедлива игра и победа од 38-29 против Ловќен го отворија настапот на регионалниот турнир кој се одржува во Скопје во СЦ „Борис Трајковски“.

Уште од првите минути Вардар ја наметнаа својата игра, поведе со 8-5 по првата четвртина, а до полувремето ја зголемија разликата на 19-12. Вториот дел мина во целосна доминација на „црвено-црните“, кои стигнаа и до двоцифрено водство (31-21), за на крајот да запишат сигурен триумф со девет голови разлика.

Претходно денес и актуелниот шампион од Суперлигата, Еурофарм Пелистер славеше победа, но минимална против Војводина со 30:29.

Во останатите натпревари од програмата:

Женски турнир:

• Металург Автокоманда – Бор 21-27

• Ѓорче Петров – Будуќност 23-38

Машки турнир:

• Еурофарм Пелистер – Војводина 30-29

• Вардар 1961 – Ловќен 38-29