Победа, младинскиот шампион на Македонија за минатата натпреварувачка сезона, ќе игра против Колрејн од Северна Ирска во прелиминарната рунда од младинската Лига на шампионите.

Така одлучи жрепката во Нион, во седиштето на УЕФА, првиот меч ќе се игра на 14 септември на теренот на противникот, а реваншот е на 5 октомври во Скопје.

Со освоената титула во нашиот младински шампионат младинците на Победа се стекнаа со правото да ја претставуваат Македонија во ова престижно натпреварување на најдобрите младински фудбалски колективи на Стариот континент.

Победа од Прилеп или Колрејн во рамките од второто коло ќе игра против подобриот од пресметката Генк (Белгија) – Славија Прага (Чешка).

Другите три парови во второто коло, младинска ЛШ: АЗ Алкмаар/Шамрок роверс – Омонија/Црвена звезда, Молде/Хиберниан – Нант/Пјуник и Јанг Бојс/Домжале – АИК/Расинг Унион Луксембург.