Потпретседателот на Фудбалската федерација на Србија (ФСС), Марко Пантелиќ е позитивен на коронавирус.

Пантелиќ е вториот човек од ФСС кој е заразен со коронавирус, само еден ден претходно беше потврдени дека и претседателот на федерацијата, Славиша Кокеза е позитивен.

Пантелиќ и Кокеза беа дел од делегацијата на ФСС која минатата недела присуствуваше на конгресот на УЕФА во Амстердам.

Во делегацијата на ФСС беа уште двајца члена, но нивните тестови се негативни на коронавирусот.

На Конгресот на УЕФА во Амстердам присуствуваше и делегација на ФФМ, предводена од претседателот Мухамед Сејдини и селекторот Игор Ангеловски, како и уште две лица, и сите се во домашна изолација како мерка на претпазливост.