Претседателот на Партијата за слобода и правда (ССП), Драган Ѓилас, вечерва изјави дека техничка влада со максимален мандат од 100 дена и непартиски личности е едно од решенијата што би довело до „брзи и релативно фер и чесни избори“, пренесува Н1 телевизија.

„Дали некој навистина мисли дека е подобро Ивица Дачиќ да биде министер за полиција за време на изборната кампања и на денот на изборите, отколку некоја непартиска личност која би реагирала на првите информации за купување гласови и би се погрижила луѓето што го прават тоа да бидат приведени“, изјави Ѓилас во интервју за телевизијата Нова.

Тој додаде дека таков модел, со посредство на Европската Унија, е имплементиран во  Македонија и Црна Гора.

„Луѓето се тепани, клоцани додека лежат на земја, апсени, девојките се закануваат со силување од страна на полициските команданти. На сите им е јасно кој врши насилство во оваа земја и кој се бори за слобода и правда“, рече Ѓилас.