Државниот информативен канал Белур денеска објави фотографија од претседателот Александар Лукашенко во, како што наведе, воен команден центар, што е негово прво појавување во јавноста по речиси една недела.

Отсуството на Лукашенко предизвика шпекулации за неговото здравје.

На Телеграм каналот Пул Первово, државен весник кој ги следи активностите на Лукашенко, беше објавено дека претседателот на Белорусија бил во централната воена воздухопловна база. Според фотографијата, се чини дека Лукашенко има завој на левата рака.

Lukashenko appeared in public for the first time since May 9 with a huge bandaid over his hand. I hope he’s rotting. pic.twitter.com/eUdsjoJq90

— Saint Javelin (@saintjavelin) May 15, 2023

Лукашенко последен пат беше виден во јавноста на 9 мај, Денот на победата, додека беше во Москва и Минск.

После тоа тој не се појави во јавноста, по што следуваа силни гласини дека тој е пренесен во болница поради здравствени проблеми.

Инаку белоруската опозициска лидерка во егзил Светлана Тихановскаја ја повика белоруската јавност и меѓународната заедница „да бидат подготвени за секое сценарио“ во услови кога се сè погласни гласините дека здравјето на белорускиот лидер Алјаксандар Лукашенко е сериозно нарушено.

„Да бидеме подготвени за секое сценарио“, предупреди белоруската опозиционерка Тихановскаја, по гласините за влошеното здравје на Лукашенко