Со денешните натпревари од 33-то коло и официјално заврши сезоната во Првата фудбалска лига.

Струга Трим Лум покажа зошто сезонава е најдобра и го победи досегашниот Шампион Шкупи со 2:1. Адетунџи го отвори резултатот, но потоа Радески и Ибраими не дозволија Струга со пораз да ја заврши сезоната.

Шкендија со 1:2 го победи Работнички на „Борис Трајковски“, а со истиот резултат Брегалница беше подобра на Скопје кој веќе е со мислите на баражот со Вардар за опстанок во ПМФЛ на 21-ви мај.

Академија Пандев и Силекс ремизираа одигрувајќи, додека Тиквеш од Прилеп против Победа се враќа со убедлива победа од 1:4.

Oд лигата сезонава испадна Победа, Ренова се откажа на почетокот, а од наредната Гостивар и Воска Спорт ќе бидат новите прволигаши. Последното место ќе го пополнат Вардар или Скопје. Во европските квалификации покрај Струга, пласман обезбедија Шкупи и Шкендија.

РЕЗУЛТАТИ 33-ТО КОЛО ПМФЛ:

Академија Пандев – Силекс 2:2

ФК Скопје – Брегалница 1:2

Победа – Тиквеш 1:4

Работнички – Шкендија 1:2

Струга – Шкупи 2:1