Неколку познати фармацевтски компании деновиве пријавија недостиг на познати лекови. Така, „Плива“ пријави недостиг од три лекови за хемотерапија, а причините за недостигот се поврзани со производството, што значи дека имало нарушување во снабдувањето со активната супстанција. Германскиот гигант „Баер“ известува за недостиг на лекот „вергуво“ од 10 мг и 5 мг што се користи против хронична срцева слабост.

Нема да го има до почетокот на следната година, а тоа е од комерцијални причини. Од „Фајзер“, пак, велат дека лекот „цибинго“ 50 мг за атопичен дерматитис нема да го има до 31 мај. „Новартис“ пријави недостиг на два лека за висок крвен притисок до 31 март, а причините се поврзани со производството. „Џонсон & Џонсон“ известува за недостиг на силниот аналгетик кој лекува силна хронична болка „дурогестик“ од 25, 50, 75 и 100 микрограми, трансдермален фластер со активната супстанција фентанил. Причините се поврзани со квалитетот, а ќе биде достапен до 30 септември. Инаку, фентанилот е опијат сличен на морфинот и спаѓа во група на лекови. „Белупо“ пријави недостиг на „лидокаин хлорид Белупо“ 20 мг/мл, кој се користи како локален анестетик. Причините се поврзани со производството, а ќе го нема до 15 април. Тука е и епилептичниот „леветирацетам Белупо“ 500 мг: причината за недостигот е квалитетот, а ќе биде достапен до 20 мај, предупредува Даница.хр.