Европската унија ја циркулира идејата за заострување на визите за руските граѓани, изјави хрватскиот премиер Андреј Пленковиќ во интервју за СиЕнЕн, додавајќи дека конкретни предлози во врска со ова ќе бидат објавени наскоро.

– Ова е идеја што циркулира во рамките на Европската комисија. Наскоро ќе видиме конкретни предлози, рече Пленковиќ, водителот, Ричард Квест, за забраната за пристигнување на руски туристи како дел од новиот пакет европски санкции. Политико пред неколку дена објави дека ЕУ се подготвува да го заостри својот став за издавање визи за руските граѓани по години притисок од земјите-членки долж источната граница на ЕУ.

Претставник на Европската комисија изјави, дека новите упатства за земјите од ЕУ, кои треба да бидат објавени до крајот на годината, ќе препорачаат построги ограничувања за издавање визи за Руси и граѓани на други непријателски земји. Пленковиќ нагласи дека Хрватска моментално има околу 25.000 до 27.000 руски туристи.

„Значи, од вкупно повеќе од 21 милион туристи кои ќе ја посетат нашата земја оваа година, тоа нема да биде значителен број за хрватскиот туристички сектор.“

Како одговор на забелешката на модераторот дека американскиот претседател Доналд Трамп бара од европските земји да престанат да купуваат руска нафта и на прашањето упатено до хрватскиот премиер дали би ги замолил своите европски колеги да забават и да престанат да купуваат руски фосилни горива, Пленковиќ рече дека Хрватска сега може да гарантира безбедни резерви за двете земји кои сè уште купуваат руска нафта.

Словачка и Унгарија сè уште ги покриваат поголемиот дел од своите потреби за нафта од Русија и сакаат да ги одржат тие резерви и покрај напорите на Европската Унија да се откаже од користењето на руските природни ресурси. Пред неколку години, имаше некои исклучоци од режимот на санкции за некои земји од ЕУ, рече хрватскиот премиер, пренесува „СЕЕ.биз.еу“.