Овогодинешната Нобелова награда за физика им се доделува на Пјер Агостини, Ференц Краус и Ан Лие за експериментите што му донесоа на човештвото нови алатки за истражување на светот на електроните во атомите и молекулите, соопшти денеска шведската Кралска академија на науките.

Тие беа избрани заради „експериментални методи кои генерираат атосекундни импулси на светлина за проучување на динамиката на електроните во материјата“, соопшти академијата.

BREAKING NEWS
The Royal Swedish Academy of Sciences has decided to award the 2023 #NobelPrize in Physics to Pierre Agostini, Ferenc Krausz and Anne L’Huillier “for experimental methods that generate attosecond pulses of light for the study of electron dynamics in matter.” pic.twitter.com/6sPjl1FFzv

— The Nobel Prize (@NobelPrize) October 3, 2023

Настаните кои брзо се движат се влеваат еден во друг кога ги перцепираат луѓето, исто како што филмот што се состои од неподвижни слики се перцепира како континуирано движење, велат од академијата.

„Ако сакаме да истражиме навистина кратки настани, потребна ни е посебна технологија. Во светот на електроните, промените се случуваат за неколку десетини од атосекунда – атосекундата е толку кратка што во една секунда има онолку колку што имало секунди од раѓањето на универзумот“.

„Пјер Агостини, Ференц Краус и Ана Л’Хуилје покажаа начин да се создадат екстремно кратки импулси на светлина што може да се користат за мерење на брзите процеси во кои електроните се движат или менуваат енергија“, се вели во соопштението за печатот.