Оскар Пјастри славеше по трет пат сезонава и со тоа стигна до првото место во генералниот пласман на Формула 1 кај возачите.

Ова беше петта победа за Пјастри откако е дел од трките во Формула 1 натпреварувањето.

Австралиецот истакна дека победата во Џеда, Саудиска Арабија, му била најтешка.

– Имавме тежок старт. Беше многу тешко да се следи Макс Ферстапен, но по пит стопот имавме чист воздух, севкупно убав викенд. Едно од моите најголеми подобрувања, но една од најтешките трки во мојата кариера – рече Пјастри.

Пјастри ќе биде прв во генералниот пласман барем две недели, а следната трка ќе се вози во Мајами, САД, по кратка пауза.