Состојки:

– 16 готови кори

– 2 тиквички

– 200 гр ситно сирење

– 4 лажици кисела павлака

– малку магдонос

– 3 јајца

– 1/2 прашок за печиво

– сол

– лук

– 40 мл масло и 100 гр стопен путер за премачкување на корите

Подготовка:

Тиквичките изрендајте ги и исцедете ги од вишокот вода. Потоа додадете им ги сирењето, павлаката, јајцата, магдоносот, лукот, сол по желба и прашокот за печиво. Соединете ги во убав фил.

Премачкајте ја секоја кора со масло и путер, а на четвртата додадете го филот. Свиткајте ги во ролна. Повторете го процесот сè додека го имате материјалот. Премачкајте ги ролничките со масло и путер. И печете на 200 степени за 25-30 минути.