Поранешниот фудбалер и капитен на Барселона, Жерар Пике упати критики кон Реал Мадрид по жалбата на главниот град до арбитражата во Ла Лига. Тимот се пожали на судиите по мечот со Еспањол преку својата клупска телевизија, но испрати и отворено писмо до Шпанската фудбалска федерација.

– Ова што го прават не е ништо ново, тие се однесуваат така 120 години. Кога губат, ја менуваат темата и добиваат помош од медиумите. Сите сме навикнати на тоа – изјави Пике.

Тој не застана тука и ја коментираше трансфер политиката на двата шпански гиганти.

– Денеска во Шпанија играат уште многу таленти, Барселона ги создава, а Реал Мадрид ги купува – рече Пике.

Реал Мадрид е прв во Ла Лига со 49 бодови, Атлетико Мадрид е втор со 48, а Барса е трета со 45.