Скопската полиција вчеравечер уапсила двајца партиски симпатизери кои под дејство на алкохол го нарушувале јавниот ред и мир за време на партиски митинг, соопшти МВР.

„На 05.10.2021 во 20.00 часот на ул.„Даме Груев” во Скопје, за време на одржување на собир на политичка партија, полициски службеници од СВР Скопје го лишиле од слобода И.К.(63) од Скопје затоа што под дејство на алкохол го нарушил јавниот ред и мир и не почитувал наредба на полициски службеници кои извршувале службени дејствија. Тој бил приведен во полициска станица и по целосно документирање на случајот против него ќе биде поднесен соодветен поднесок“, се вели во полицискиот билтен.

Сличен случај е забележан и во Стајковци, каде бил уапсен 53-годишен партиски симпатизер.

„На 05.10.2021 во 19.00 часот во с.Стајковци, скопско, за време на одржување на собир на политичка партија, полициски службеници од СВР Скопје го лишиле од слобода С.М.(53) од с.Стајковци затоа што под дејство на алкохол го нарушил јавниот ред и мир и не почитувал наредба на полициски службеници кои извршувале службени дејствија. Тој бил приведен во полициска станица и по целосно документирање на случајот против него ќе биде поднесен соодветен поднесок,“ велат од полицијата.