Полицијата синоќа го лишила од слобода педесет и тригодишниот Ж.Л. од Кавадарци. Тој со возилото „мерцедес“ кое го управувал предизвикал сообраќајна незгода, при што удрил во патничко возило „опел“ со кавадаречки регистарски ознаки, управувано од педесет и осумгодишниот З.Ѓ. од Кавадарци.

Како што информира денеска МВР, по извршени проверки било констатирано дека возилото го управувал под дејство на алкохол, односно му биле измерени 1.99 промили алкохол во крвта.

Тој бил задржан во полициска станица и по документирање на настанот против него ќе биде поднесена пријава за „безобѕирно управување со моторно возило“.