„По речиси четири години од трагедијата во која животот го загубија 14 лица во модуларната болница во Тетово, денеска судот изрече казни што предизвикаа огорченост во јавноста, рече пратеникот на ВМРО-ДПМНЕ Бране Петрушевски на денешната прес-конференција, прашувајќи се како е можно за 14 изгубени животи да се изречат толку благи казни.

„Флорин Бесими, тогашен директор на Клиничката болница во Тетово, и Артан Етеми, економски директор, добија по една година и шест месеци затвор. Болницата, како правно лице, е казнета со симболични 16.000 евра. Срамни и понижувачки пресуди. Семејствата на загинатите и јавноста остануваат со горчина и чувство на неправда“, рече Петрушевски.

Предметот за модуларните болници и по четири години е во предистрага