„Најостро ги демантирам насловите на дел од порталите кои објавуваат невистини поврзани со моето излагање на 24 вести. Јас одговорив на прашањето дали Северна Македонија ќе испрати војници во рамките на НАТО плановите за одбрана и одвраќање“, напиша министерката за одбрана Славјанка Петровска на Фејсбук, откако беше пренесено дека таа за ТВ24 изјавила оти „доколку НАТО побара, ќе испратиме македонски војници во Украина“.

„Одговорот беше во насока на тоа дека ако биде побарано од нас, ќе испратиме воени сили во земјите членки на НАТО на источната граница на Алијансата. Но таква одлука не е донесена“, пишува Петровска.

Таа упати апел во оваа ситуација на воен конфликт во Украина, изјавите поврзани со состојбата во Украина „да се пренесуваат со точност, со цел да не се предизвика дополнително вознемирување на јавноста“.