Поранешниот пратеник и заменик-министер за образование од редовите на СДСМ, Петар Атанасов, ќе формира нова партија, потврди тој во изјава за Канал 5.

Според Атанасов, дојдено е време за нова политичка сила во државата која би ги обединила незадоволните и од социјалдемократските, но и од политиките на другите партии, како и сите граѓаните кои, како што вели, сакаат подобра иднина.

Професорот Атанасов не сакаше да открие кој ќе биде дел од неговиот тим.. И покрај тоа што тој активно се ангажираше и јавно го поддржа Максим Димитриевски за независната градоначалничка кампања во Куманово, засега не сака да открие дали кумановскиот градоначалник ќе биде дел од најавената нова партија.

Иницијатвата за формирање на партијата сѐ уште е во зачеток, а кога ќе биде официјализирана ќе зависи од составот на новата Влада и од компетентноста на кадровските решенија што ќе ги испорачаат органите на СДСМ, вели Атанасов.