фото: EPA-EFE/GEORGIA PANAGOPOULOU

Пешиќ: АБА лигата воопшто не е интересна, веќе никој не ја гледа

Светислав Пешиќ, селекторот на српската кошаркарска репрезентација уште еднаш се изјасни против регионалната АБА лига.

Пешиќ смета дека српските клубови ја надминаа регионалната конкуренција и дека треба да се спроведе реформа во националниот шампионат. Доколку тоа не се случи, а АБА лигата остане таква каква што е, Пешиќ стравува за иднината на српската кошарка.

– Веќе ми е досадно. Гледам дека има реакции, но сè уште нема јасен план, иако имам многу јасен план како треба да се спроведе. Секако, не сакам да прејудицирам, да се пофалам, но би сакал повеќе да се зборува на оваа тема од перспектива на Црвена звезда, Партизан и други натпреварувања.

Сигурен сум дека новата управа ќе ја покрене оваа тема кога ќе се создадат соодветни услови, но не знам во која насока ќе се движи процесот. Доколку ништо не се промени со АБА-лигата, ќе бидеме во позиција да бидеме среќни ако воопшто се пласираме на Олимписките игри по Лос Анџелес – вели Пешиќ при гостувањето на РТС.

Девет од последните 11 шампионски титули во АБА лигата се освоени од српски клубови.

– АБА лигата не е воопшто интересна, веќе никој не ја гледа, луѓето одат на натпреварите по навика. Финалето ќе се игра помеѓу Црвена звезда Белград и Партизан, само не се знае колку натпревари ќе има. АБА лигата повеќе не е во интерес на српската кошарка и треба да видиме како да ја организираме нашата лига. Се разбира, српските клубови треба да играат со поранешните југословенски клубови, но во европските натпреварувања – рече српскиот селектор.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот