Aмбициозниот суперлигаш РК Алкалоид предводен од Кире Лазаров добива сериозно засилување во стручниот штаб. Нов член од 1. јануари на овој клуб ќе биде легендата на македонскиот ракомет Пепи Манасков.

Едно од најголемите ракометни имиња во Македонија работеше во Вардар каде што се грижеше за младинските категории, меѓутоа со почетокто на 2023 година се сели во Алкалоид. Информацијата ја потврди директорот на клубот, Горан Минов.

Секако дека доведувањето на Пепи Манасков е уште еден мотив за ракометарите на Алкалоид кои во својата прва сезона како суперлигаши обезбедија место во плеј-офот. Амбициите на клубот очигледно се што е можно побрзо клубот да се бори и за титулите во домашното првенство.