Министерот за одбрана на Соединетите Американски Држави, Пит Хегсет, нареди неопределено суспендирање на испораките на ракети и муниција во Украина поради загриженост во врска со воените резерви на САД, според повеќе извори запознаени со одлуката, објави NBC.

Хегсет ја донесе одлуката неколку недели откако испрати меморандум со кој нареди инспекција на американските залихи на муниција, кои се исцрпени по години испраќање оружје во Украина за одбрана од руска инвазија, како и речиси две години воени операции на Блискиот Исток против бунтовниците Хути во Јемен и помагање на Израел во борбата против Хамас, Хезболах и Иран, изјавија четворица функционери, според американската телевизија.

„Оваа одлука е донесена за да се стават интересите на Америка на прво место откако (Министерството за одбрана) ја разгледа воената поддршка и помош на нашата земја за други земји низ целиот свет. Силата на војската на Соединетите Американски Држави не е доведена во прашање, само прашајте го Иран за тоа“, изјави заменик-портпаролката на Белата куќа, Ана Кели.