Она што му се случи на нашиот Езџан Алиоски е недопустливо и за осуда, напиша предмалку претседателот Стево Пендаровски на својот фејсбук профил.

„Разликите треба да не обединуваат, а не да разделуваат. Tака е во успесите, но и во неуспесите на секое поле. Јас сум убеден дека огромно мнозинство од нашите граѓани прават разлика само врз основа на тоа што е добро, а што лошо, а не врз основа на тоа кој јазик го зборуваме, како се молиме или како изгледаме. Јас сум уверен дека огромно мнозинство од нашите граѓани веруваат и се застапуваат за тоа дека секој треба да има еднакви можности во Република Северна Македонија, богатството на земјата е во мултикултурното општество кое го градиме сите.

Езџан Алиоски за македонската репрезентација до сега одиграл 28 натпревари во различни натпреварувања, зборувајќи го јазикот што најдобро го знае на терен со постигнати 5 голови и 6 асистенции, а ја претставува земјата во Шампионатот на Англија. Езџан продолжи да не’ радуваш со добрата и тимска игра, пример од кој учи целата држава“, напиша Пендаровски.

Брука во Прилеп, Алиоски непожелен во ресторан