Пендаровски: ЕУ процени дека има злоупотреба на европското знаменце пред да биде изгласан Законот за игри на среќа
Пендаровски додаде дека дописот во кој јасно се назначува дека не е почитувана процедурата, пред да биде испратен до него, доставен е до Владата и до Собранието, а вицепремиерот Артан Груби како и сите членови на Владата би требало да се запознаени со тоа
Демократската унија за интеграција (ДУИ) го обвини претседателот Стево Пендаровски за двојни стандарди, бидејќи претходно го потпишал указот за измените во Кривичниот законик кои беа донесени со европско знаменце и покрај реакциите од Европската Унија, а сега, тие велат дека одбива да го потпише Законот за игри на среќа. Пендаровски, пак, вели дека ЕУ никогаш претходно не реагирала за злоупотреба на европското знаменце за закон кој сè уште не е донесен.
Препорачано
-
1
-
2
-
3
Стево Пендаровски нека ги каже вистинските мотиви за непотпишувањето на законот за игри на среќа и кој го поттикна да оди против волјата на граѓаните и пратениците, се вели во соопштението од ДУИ.
Претседателот порача дека за измените на Кривичниот законик имале јасна европска Директива за конфискација на имот стекнат со криминал.
Имено, во тој дел, измените на Законикот се усогласени со европската Директива за замрзнување и конфискација на предмети и имотна корист, која освен казната затвор, фокусот го става на одземањето на имотната корист од сторителите на овие кривични дела, вели тој.
Пендаровски додаде дека дописот во кој јасно се назначува дека не е почитувана процедурата, пред да биде испратен до него, доставен е до Владата и до Собранието, а вицепремиерот Артан Груби како и сите членови на Владата би требало да се запознаени со тоа.
За ДУИ образложението дека има злоупотреба на европското знаменце и дека нема забелешки за содржината, туку само за процедурата е жалосно.
Пендаровски знаеше дека опозицијата го блокираше законот за отстранување на казината и обложувалниците од нашите училишта и деца. Уште пожално е образложението дека европското знаме било злоупотребено за усвојување на законот и дека немал забелешки за содржината туку само за процедурата. Отстранување на казината бараат сите граѓани – Албанци, Македонци, Турци, Роми, Срби, Босанци и сите други, особено со благослов на мајките дека ги спасувате нашите деца, но и граѓанското општество, велат од партијата.
