Пендаровски: Албанец може да биде претседател на Македонија, но ако има поддршка од сите етникуми
Значи тоа се избори на национално ниво. Зошто да не биде Албанец претседател, но мора да има поддршка од македонскиот и другите неалбански етникуми. Етнички Албанец не може да биде претседател на Република Македонија без гласовите на сите етникуми, додава тој
По потпишувањето на Охридскиот договор, Албанците се широко застапени во Македонија и нема владина позиција до која немаат пристап. За овие 22 години Албанците направија голем напредок. Ако во 2001 година застапеноста на Албанците на државно ниво беше 2,4, сега е 21 процент, изјави претседателот Стево Пендаровски во интервју за Еуроњуз Албанија. Пендаровски смета дека Албанец може да биде на функцијата претседател на државата, но мора да ја има и поддршката од сите етникуми.
Препорачано
– Избран бев благодарение на гласот на сите гласачи од сите етникуми, вклучително и на Македонците кои го сочинуваат најголемиот број во државата, се разбира. Значи тоа се избори на национално ниво. Зошто да не биде Албанец претседател, но мора да има поддршка од македонскиот и другите неалбански етникуми. Етнички Албанец не може да биде претседател на Република Македонија без гласовите на сите етникуми, додава тој.
Пендаровски вели дека во овие пет години како шеф на држава е еднаков кон сите етнички заедници.
– Во однос на моите уставни и законски овластувања, се обидов да им помогнам на сите, без разлика на нивната етничка припадност, за да го добијат заслуженото место во нашето мултиетничко општество. Што се однесува до албанската етничка припадност, искрено ме ставивте во непријатна положба бидејќи не сакам да зборувам за тоа што сум постигнал генерално во мојот мандат, но бидејќи сте заинтересирани како медиуми, можам да кажам дека Албанците во овие пет години во нивоата кои се во моите овластувања и кои се во одбраната, безбедноста и надворешната политика достигнаа највисоки менаџерски нивоа и практично имаме Албанец кој е директор на агенцијата за разузнавање. Во мојот кабинет еден од клучните советници, кој е советник за национална безбедност е Албанец, имаме Албанец кој е генерал во македонската армија кого го унапредив и слично, но ќе разберете зошто не сакам многу да зборувам на оваа тема бидејќи граѓаните на Македонија треба да зборуваат на оваа тема, изјави Пендаровски.
На прашањето „како би реагирале граѓаните на Македонија доколку шефот на државата е Албанец“, Пендаровски вели дека не се плашат од тоа дека Албанец не би работел за интересите на државата.
