Кели Роланд за магазинот „Women’s Health“ изјави дека таа и нејзиниот сопруг Тим Витерспун чекаат принова. Многу дискутирале за идејата за второ дете, особено откако почна пандемијата на коронавирус. Тие воопшто не се надевале дека таа ќе забремени, едноставно оставиле да видат што ќе се случи.

Роланд изјави дека за кратко време забременила. Таа и нејзиниот сопруг имаат 5 годишен син Титан.

Во ситуација со пандемија, протести, немири низ целиот свет и „стаклената“ економија, пејачката изјавила дека навистина се двоумела дали да ја сподели среќната вест.

„Сè уште е присутна желбата да ги потсетите луѓето дека животот е важен. Да бидам во можност да имам дете… Во февруари полнам 40 години“, рекла Роланд.

„О Боже, моите обожаватели ќе бидат толку разочарани… Тие сакаа албум, но ќе добијат бебе. Треба да најдам начин да им ги дадам и двете“, се пошегува пејачката, потврдувајќи дека планира да објави петти соло албум, иако не откри точен датум на издавање.

Смртта на Џорџ Флојд, Бреона Тејлор и други имала огромно влијание врз нејзиното семејство. Таа изјави дека тоа ја натерало да размисли за своето искуство како мајка и како ќе ги воспитува своите синови за време на расправии поврзани со расизмот.

„Ветив дека ќе го заштитам моето дете. Тоа беше главната работа за која размислував: да ја заштитам оваа мала невиност“, изјавила Кели.