Пазарните инспектори во понеделникот ја земале платата за јануари, а денес им е исплатена февруарската, информираше директорот на ДПИ, Влатко Стојкоски. Според него, доцнењето било поради трансформацијата на министерствата, што сега е надминато. Од него и информацијата дека инспекторите не поднеле тужби поради доцнењето на двете плати, иако потврди дека на тој начин бил прекршен законот.

-Платите се исплатени, немаше тужби – рече Стојкоски.

Согласно измените и дополнувањата на Законот за инспекциски надзор, Министерствата беа должни најдоцна во рок од 3 месеци од денот на влегување во сила на Законот да ги преземат правата и обврските со преземањето на Инспекторатите. Бидејќи се работеше за обемна бројка како и одјави кои треба да се процесуираат по градови потребно беше време, сите податоци односно одјави пријави се доставени во АВРМ и започнато е со одјава па потоа со пријава поединечно за секој вработен, додаде Стојкоски.