Патничкиот воз кој од Скопје тргнал во 14.30 часот накај Битола сѐ уште не е стигнат, а причина за запрениот сообраќај е расипан товарен воз, останат на пругата, во близина на село Слепче.

Како што пренесуваат медиумите, возот е запрен во Богомила, бидејќи во Слепче има расипан товарен воз, поради кој е блокирана пругата и патничкиот воз не може да помине, па затоа патниците се заглавени со часови на железничката станица.
На патниците, кои немаат известување за што се работи и кога конечно ќе стигнат својата дестинација, од страна на Македонски железници не им бил понуден друг превоз, па тие се оставени да чекаат со часови да се ослободи пругата.

Во возот има 120 патници. Според неофицијални информации, од Скопје е пратена помошна локомотива  кон Слепче околу 19 часот, за да може да го турне расипаниот воз и конечно да продолжи да се движи патничкиот воз кон Битола.