На улицата Орце Николов се обележени паркинг места кои можат да ги користат само граѓаните со посебни потреби.

Согласно Правилникот за урбанистичко планирање каде што е дефинирано дека 3 отсто од вкупниот број на паркинг местата треба да бидат издвоени и резервирани за лица со инвалидитет, на оваа улица се обележани со хоризонтална и вертикална сигнализација 3 паркинг места за лица со посебни потреби – велат од ЈП „Паркинзи на Општина Центар.

Оттаму апелираат до сите граѓани да паркираат совесно и да не им го одземаат паркинг местото на оние на кои им е најпотребно. Сите непрописно паркирани возила кои ќе бидат затекнати на места означени за лица со посебни потреби ќе бидат отстранети со специјалното возило “Пајак”.