Ихор Тереков, градоначалникот на Харков, објави нови информации за нападот утринава врз тој украински град.

„По ракетниот напад утринава, ситуацијата во Харков е доста комплицирана. Погодена е постројка за критична инфраструктура, поради што јавниот превоз преку метрото и тролејбусите остана без струја. Во моментов успеавме да пуштиме во функција една линија на метрото, а тролејбусите и трамваите ги заменивме со автобуси“, изјави градоначалникот.

„Има проблеми со водоснабдувањето, но нашите инженери и јавните служби прават се што е можно за да им овозможат водоснабдување на жителите на Харков што е можно поскоро. Сите служби работат на враќање на нормалниот живот во Харков. Заедно ќе издржиме и ќе победиме “, објави Тереков.