Папата Лав Четиринаесетти служеше миса пред повеќе од милион млади луѓе на периферијата на Рим и ги повика да шират ентузијазам и вера, но и да создадат подобар свет.

„Ние сме со младите во Газа, ние сме со младите во Украина“, рече папата, додавајќи дека младите се знак дека е можен поинаков свет – свет на братство и пријателство во кој конфликтите се решаваат преку дијалог, а не со оружје.

Како што објавува Ројтерс, младите биле облечени во шарени маички, мавтале со национални знамиња и извикувале „Да живее Папата“.